Университет студенттері мен қызметкерлерінің назарына!

 

«Инновациялық технологиялар паркі» автономды кластерлік қоры Tech Orda бағдарламасына өтініш қабылдау басталғанын хабарлайды.

«Tech Orda» – IT саласындағы адами капиталды дамытуға және ақпараттық-коммуникациялық технологиялар саласындағы білімді арттыруға бағытталған бірегей бағдарлама. «Tech Orda» бағдарламасы веб-әзірлеу, 3D-дизайн, бағдарламалық қамтамасыз ету, мобильді қосымшалар құру, IoT, GameDev, сондай-ақ, Big Data және Blockchain сынды ІТ саласының өзекті бағыттарын қамтиды.  

Бұл бағдарлама жеке тұлғалардың IT-мамандығы бойынша білім алуын қаржыландыру арқылы қолдау көрсетеді. Бағдарлама аясында  аккредиттелген 80 IT мектептен 160 курс ұсынылып отыр.

 

Грант сомасы:

Онлайн курс үшін – 400 000 теңге,

Офлайн курс үшін – 500 000 теңге.

Егер таңдалған курстың құны грант мөлшерінен асып кетсе, қалған соманы үміткердің өзі төлейді.

 

Өтініш беру  үшін тек 2 талап қойылады:

• Қазақстан Республикасының азаматы болу;
• Жасы 18 бен 45-тің аралығында болу.

Қосымша талаптар таңдалған IT мектебіне немесе курсқа байланысты өзгеруі мүмкін.

 

Курсқа жазылу алгоритмі:

1. astanahub.com сайтында тіркеліп, Tech Orda бағдарламасын таңдау (тіркелу үшін ЭЦҚ қажет);
2. IT мектебі мен курсты таңдау (егер сол мектептің талаптарына сай болсаңыз, 5 түрлі курсқа дейін таңдауға болады);
3. Cұхбаттасудан өтіп, IT мектебінің шешімін күту;
4. Іріктеу нәтижесі бойынша қатысуға келісім беру немесе бас тарту;
5. IT-мектеппен келісімшартқа отырып, оқу процесін бастау.

 

Іріктеу нәтижесі бойынша тек 1 IT мектебінен грант алуға болады. Егер бірнеше мектептен бір уақытта грант ұсынылса, олардың біреуін ғана таңдау қажет.

 

Бағдарлама курстарының тізімімен мына сілтеме арқылы таныса аласыз: https://astanahub.com/kk/techorda/course/